ДОБРЕДОЈДОВТЕ ДОМА!
Ракометниот клуб Аеродром е формиран 2000-та година и е со седиште во Општина Аеродром.
Оваа година нашата сениорска екипа испиша историски успех за нашиот клуб со тоа што обезбеди пласман во најелитната Супер машка ракометна лига каде што ќе се натпреваруваме со клубови како Вардар, Еурофарм Пелистер, Пролет, Алкалоид итн.
Воедно истата оваа година нашите Пионери станаа државни прваци на Македонија во конкуренција од приближно 40 клубови во државата што е уште еден огромен успех за нашиот клуб. Во континуитет сите овие години произведуваме сениорски и младински репрезентативци во националната селекција на Македонија. Натпреварите ги играме во салата Јане Сандански.
Успешни
100% успешни и посветени на спортот
За да може клубот и понатаму да продолжи со настапите и успесите потребна му е финансиска помош од успешни деловни субјекти кои знаат да го препознаат моментот и да учествуваат заедно со клубот во идните успеси.
Ракометот е најпопуларниот спорт во Македонија
Нашиот клуб брои приближно 150 членови кои се натпреваруваат во системот на натпревари организиран од страна на Ракометната Федерација на Македонија во сениорска и младински категории.
Единствено нашиот ракометен клуб Аеродром и кошаркарскиот клуб МЗТ Скопје Аеродром се клубови кои го носат името на општината со најголем број жители во Скопје.
